Mabalin a maaddaan dagiti tattao nga addaan iti diabetes iti atiddog ken nasalun-at ti biag. Ti nasayaat a pangrugian ket tamingem dagitoy tallo a kondision:
- Asukar iti dara (glucose)
- Presion ti dara
- Lebel ti kolesterol
Adu a tattao ti addaan ti amin dagitoy a kondision. No adda diabetesmo, dakkel ti posibilidad a maateka iti puso, maistrokka wenno agpalia ti batom. Ngem mabalinmo a makontrol ti lebel ti asukar iti daram, ti presion ti daram ken kolesterol. Pababaenna ti posibilidad a maaddaanka iti sakit.
Damagem iti bukodmo a Primary Care Physician (PCP) Dagitoy a Saludsod:
S. Ania ti lebel ti glucose, presion ti dara ken kolesterolko?
S. Ania koma ti lebelda?
S. Ania ti aramidek tapno maabutko ti kayatko a ragpaten ken agtalainaed a kasta?
Agaramidka iti Rekord.
Bantayam ti lebel ti asukar iti daram (glucose), presion ti dara ken kolesterol.
Agtignayka Itan.
- Mangan iti kalkalainganna a kaadu ti makan kas iti prutas, nateng, ken bukbukel
- Mangan kadagiti taraon a bassit laeng ti asin ken tabana
- Maaddaan iti pisikal nga aktibidad iti saan a nababbaba ngem 30 a minuto ti kada aldaw
- Pagtalinaedem a normal ti timbangmo. Damagem iti kangrunaan a mangipapaay iti panangaywan kenka (PCP) ti body mass index- mo (BMI) ken ammuem ti normal a pagpatinggaanna
- Isardengmo ti agsigarilio. Damagem iti PCP no kasano nga isardeng
- Agusarka iti pagikabilan iti agas a makatulong tapno inaldaw a makatomarka iti agas
- Mangikabilka iti pitakam iti kanayon a mapabaro a listaan ti amin nga agasmo ken dagiti allergy a mapaspasaram
- Tomarem dagiti agasmo kas iti ibaga kenka ti PCP wenno ti espesialista. No panagkunam ket kagura ti bagim ti agas, ibagam iti PCP
- Damagem iti PCP no maipalubos nga inaldaw nga agtomarka iti aspirin
- Agpatulongka iti kapamillia ken gagayyemmo a suportaranda ti panagreggetmo nga agbalin ken agtalinaed a nasalun-at
Mangikeddeng iti Banag a Ragpaten.
Bantayam no kaano nga impa-checkup-mo iti doktor ti panagkitam, kasasaad ti batom ken dagiti sakam. Makitinnulongka iti PCP, espesialista, gagayyem ken pamiliam tapno maabutmo ti banag a kayatmo a ragpaten.
Dimo liplipatan dagitoy nga eksamenasion:
Asukar iti Dara (glucose)
Ti A1C nga eksamenasion ket pagaammo met kas ti Hemoglobin A1C. Rukodenna ti average a kaadu ti asukar iti daram iti napalabas a tallo a bulan. Agpaeksamen iti mamindua agingga iti mamimpat iti kada tawen, depende iti situasionmo. Maisingasing a kaadu koma ti glucose iti daram: 7 wenno awan pay iti A1C nga eksamenasion.
Presion ti Dara
Tulong para iti pannangan ken panagehersisio. Mabalin a kasapulam met ti agas. Agpaeksamen iti tunggal panagbisita. Dagiti presion ti dara a kayatmo a ragpaten ket agdepende iti edad ken salun-at. Damagem ti PCP ti kasayaatan para kenka.
Kolesterol
Ti kolesterol ket maysa a kita ti taba nga adda iti dara. Tulong para iti pannangan ken panagehersisio. Mabalin a kasapulam met ti panagagas. Agpaeksamen iti saan a nababbaba iti mamindua iti kada tawen. Agdepende iti tunggal tao ti normal a kangato ti kolesterol. Damagem ti PCP ti kasayaatan para kenka.
Eksamenasion Para iti Normal ken Dimmakkel a Mata
Agpaeksamen iti espesialista ti mata maminsan iti kada tawen
Eksamenasion Para iti Sakit ti Bato
Eksamenasion para iti protina (Albumin) iti isbo ken eksamenasion para kadagiti naurnong a substansia iti daram maminsan iti kada tawen.
Eksamenasion iti Saka
Ipaeksamenmo ti sakam kada bumisitaka.
Para iti Kanayonan nga Impormasion, bisitaen ti WebMD.