Skip to main content

Nangato a Presion ti Dara: Ti Naulimek a Mammapatay

Ti nangato a presion ti dara ket maawagan ti "naulimek a mammapatay." Dayta ket "naulimek" ta mabalin nga addaanka iti dayta ngem saanmo nga ammo. "Mammapatay" ta dadaelenna ti bagim.

Ammom kadi a maysa iti kada tallo nga adulto ti addaan iti nangato a presion ti dara? Ken adu ti saan a makaammo iti dayta. Adu met a tattao ti mangipagarup a konkontrolenda ti presion ti darada babaen ti pildoras, ngem saanda a talaga a makonkontrol dayta.

Apay a Rumbeng a Pagtalinaedem a Kontrolado ti Presion ti Daram?

Dakkel ti tiansa a maaddaanka iti adu a problema ti salun-at no nangato ti presion ti daram. Dagitoy ti dadduma a problema:

  • Istrok
  • Sakit ti puso
  • Panagpalia ti puso
  • Sakit ti bato
  • Kinabulsek.

Ania ti Normal a Presion ti Dara?

Ti normal a presion ti dara ket 120/80 wenno nababbaba. Adu a banag ti mabalin a mangapektar iti presion ti daram. Ngem no ti normal kenka ket nangatngato ngem 120/80, mabalin nga addaanka iti, wenno maaddaanka iti, nangato a presion ti dara.

Ania ti aramidek tapno mapagtalinaedko a normal ti presion ti darak?

  • No agsigsigarilioka, isardengmon.
  • Agbalinka nga aktibo. Padasem ti agbalin nga aktibo iti saan a nababbaba ngem 30 a minuto iti kada aldaw. Ti pannagna ti maysa kadagiti kasayaatan a pamay-an ti panagbalin nga aktibo.
  • Kissayam ti asin nga ipaunegmo.
  • Liklikan ti caffeine (kape, tsaa, cola).
  • Mangan ti saan a kumurang ngem lima a sukat ti prutas ken nateng iti kada aldaw.
  • Pagtalinaedem a kalkalainganna ti timbangmo. Damagem iti doktormo ti rumbeng a timbangmo. No masapul nga agpakuttongka, in-inutem dayta ken manganka iti umiso a taraon.
  • Liklikam ti stress.
  • Agtomarka iti agas. No agtomtomarka iti pildoras para iti nangato a presion ti dara, siguraduem a dika agliway.
  • Makisaritaka iti doktormo tapno ad-adu ti maammuam maipapan iti posibilidad a maaddaanka iti nangato a presion ti dara.

Reperensia: OSF Saint Francis Medical Center

Bisitaen ti WebMD para iti kanayonan nga impormasion.

Ikontak Dakami

Kasapulam ti tulong? Addakam ditoy para kenka.

Awagandakami
Naudi a Napabaro Idi: 12/4/2020
On April 22, 2024, UnitedHealth Group issued a press release, providing an update on the Change Healthcare cybersecurity incident that occurred on Feb. 21, 2024. Given the size of the data impacted, the investigation to determine whose data is impacted is expected to take several months. UnitedHealth Group believes this situation will impact “a substantial proportion of people in America” and is offering immediate credit monitoring and identity protection services, as well as a dedicated contact center to address questions. Visit Change Healthcare Cyberattack Support and/or reach out to the contact center at 1-866-262-5342 regarding any questions.

×