Tunggal babai ket maaddaan koma iti Tinawen a Well Woman Visit. Daytoy ket panagbisita iti obstetrician/gynecologist (OB/GYN) a doktor. Dagitoy dagiti doktor nga addaan iti espesial a pannakasanay iti medikal a problema a maipaspasango kadagiti babbai. Mabalin nga awananka iti OB/GYN. No kasta, tawagam ti numero ti customer service. Ti numero ti telepono ket adda iti likudan ti ID kardmo kas kameng. Dagiti Serbisio para kadagiti miembro ket matulongandaka nga agsapul iti doktor.
Ti Well Woman Visit ket napateg nga ibibisita. Irekomendarmi a mapanka a nakasagana kadagiti saludsod. Mabalin nga adda dagiti saludsodmo maipapan iti bagim wenno salun-atmo. Kabayatan daytoy a panagbisita, mabalin a kayatmo wenno ti doktormo a pagsaritaan ti panangkontrol iti sikog.
Dagitoy ti listaan ti dadduma a bang a kayat ti doktormo a pagsaritaan bayat ti ibibisitam:
- Pangkontra iti sikog
- Panaginum iti arak
- Panagpa-checkup iti presion ti dara
- Eksamenasion para iti kolesterol
- Eksamenasion para iti depresion
- Nutrision ken Dieta
- Eksamenansion para iti HIV
- Bakuna ken pangpapigsa iti resistensia
- Eksamenasion para iti Sexually Transmitted Disease (STD).
No maysaka a nagannak wenno agay-aywan, posible a kasapulanto nga ipanmo ti anakmo iti OB/GYN. Dagitoy a panagbisita ket gagangay a mangrugi iti edad 13 ken 15. Saanna a kayat a sawen a saanen a mapan ti anakmo iti doktorna a Pediatrician. Maammuan kadagitoy a panagbisita ti panagdakkel ket panagrang-ay. Mabalin a nagduduma a topiko ti mapagsasaritaan iti Well Woman Visit. Mabalin pay ketdi a kayatmo a kasarita ti doktor ti anakmo maipapan no kaano a rumbeng a mangrugi a mapan ti anakmo iti OB/GYN.
Saanmo kadi a sigurado no kaano nga ipanmo ti anakmo iti OB/GYN? Adtoy ti video a mabalin a makatulong kenka ken ti anakmo a makapagdesision a naimbag.
Adtoy ti video nga inaramid ti maysa nga OB/GYN a doktor no kaano a bumisita iti OB/GYN. Masungbatan met dayta ti dadduma kadagiti napateg a saludsodmo:
Dagiti Reperensia::