Ti colorectal cancer ket kanser iti dakkel a bagis wenno kimmot. Dagitoy a kanser ken posible a polyp. Ti polyp ket saan a normal a panagtubo ti lasag a mabalin nga agbalin a kanser. Agtubo dagitoy iti dakkel a bagis. Sa agwarasda iti dadduma a paset ti bagi kas iti dalem ken bato.
Makatulong ti regular nga eksamenasion tapno mabirokan dagiti polyp sakbay nga agbalin a kanser. Nagduduma ti pamay-an ti panagbirok iti polyp. Ammo ti doktormo ti kasayaatan nga eksamenasion para kenka. Ti kalakaan nga eksamenasion ket ti Fecal Immunochemical Test (FIT) nga eksamenasion. Ti FIT nga eksamenasion ket eksamenenna ti iblengmo. Kaaduan kadagitoy a kita ti eksamenasion ket kitaenda no adda dara iti iblengmo. Mabalin nga apagbiit laeng a maaramid daytoy nga eksamenasion, nalaka, ken uray iti pagtaengan. Baka kasapulan a tinawen nga aramidem dayta. Kasapulam ti colonoscopy no positibo ti resulta ti eksamenasion. Bayat ti eksamenasion, adda kamera a maiserrek iti dakkel a bagis. Makatulong dayta tapno makita ti doktor no adda polyp. No adda masarakan, mabalin a dagus nga ikkaten dayta ti doktor ken eksamenenna no agbalin dayta a kanser. Kasapulan a maminsan laeng iti 10 a tawen nga agpasarka iti dayta nga eksamenasion. Daytoy ti kasayaatan a tiempo tapno agbirok iti polyp.
Iti edad a 45 masapul a rugiam ti regular a pannakaeksamen ti colon. Masakupan ti plano ti salun-at ti WellCare dagitoy nga eksaminasion ken awan ti bayadam. Agtintinnulong ti WellCare ken ti American Cancer Society (ACS). Kayatmi a mapasayaat ti rate ti eksaminasion para iti kanser ti colon iti intero a US. Ti ACS 80% ket addaan iti programa a panggepna a danonen ti 80% nga eksamenasion para iti kanser ti colon iti tunggal county iti US. Tulongannakami a mangragpat iti daytoy a panggep. Ipaeksamenmo ti colon-smo no irekomendar dayta ti doktormo.
No ipagarupmo a dakkel ti posibilidad a maaddaanka iti colorectal cancer, makisaritaka iti doktormo maipapan iti:
- Kaano a rugian ti eksamenasion
- Ania nga eksamenasion ti para kenka
- Kasano kasansan a maeksamenka.
Dagiti reperensia:
