Pagaammotayo ti sao nga stress. Ma-stress-tayo no adda aksidente wenno emerhensia, ngem masansan met a mapasamak dayta iti inaldaw a panagbiagtayo.
Makapasartayo iti stress gapu iti panagbalansetayo iti trabaho, ubbing ken iti relasion. Narigat ti agtalinaed a kalmado ken nakarelaks no adu dagiti as-asikasuentayo. Makadadael iti bagi ti nakaro unay nga stress. Mabalin nga agresulta iti bassit a banag kas iti saan a nakaro a sakit ti ulo. Mabalin met nga agresulta iti mas serioso a problema iti salun-at kas iti depresion wenno nangato a presion ti dara.
Dadduma a Makatulong a Pamay-an Tapno Maksayan ti Stress:
- Regular nga agehersisio. Pagkalmaennaka ken pagbalinennaka a positibo.
- Nayonam ti kanem a makapasalun-at a taraon, kas iti prutas, nateng, ken bukbukel.
- Umdas koma ti turogmo.
- Padasem ti yoga iti pagtaenganyo wenno iti klase.
- Agpagnapagna iti kada aldaw.
- Mangiwayaka iti tiempo para iti bagim kasanoman kaadu ti ar-aramidem. Kas pagarigan, umawagka iti maysa a gayyem. Wenno, aramidem ti banag a magusgustuam.
- Maaddaanka iti panawen nga umanges iti nauneg sumagmamano a daras iti inaldaw.
Ti maysa a pamay-an a makontrol ti stress ket ti tinawen a panagpa-checkup. Ti panagpa-checkup ket nasayaat a pamay-an tapno a masigurado a saan nga apektaran ti stress ti salun-atmo. Tawagam ti kangrunaan a doktormo ita tapno makaaramid iti appointment.
Bisitaen ti WebMD para iti kanayonan nga impormasion.
