Mabalin nga agus-usar iti droga dagiti tin-edyer iti nagduduma a pamay-an. Gagangay nga ageksprimento dagiti adda iti kasta nga edad. Makapaladingit, ta saan nga ammo ti kaaduan a tin-edyer a dagiti ar-aramidenda ket apektaranna ti masakbayanda. Mabalin a pampanunotenda nga awananda iti problema a kas iti mapaspasaran dagiti dadduma.
Tunggal tin-edyer nga agus-usar iti droga ket posible nga agbalin nga adikto. Sagpaminsan a padasen ti dadduma a tin-edyer ti agdroga sa sumardengda. Ngem dadduma ti agbalin a nakadepende iti dayta. Padasenda dagiti mas delikado a droga ket ad-adda a madangranda ti bagida ken ti dadduma.
Asino ti Agpeggad?
Dagiti tin-edyer a posible a maaddaan iti serioso a problema iti droga ramanenna dagiti:
- No adda pakasaritaan ti pamilia maipapan iti panangabuso iti droga
- Addaan iti depresion
- Nababa ti kompiansada iti bagida
- Mariknada a saanda a maibagay
Ania dagiti Pagilasinan?
- Pisikal: Pannakapaksuy, maulit-ulit a reklamo iti salun-at, nalabaga ken nakamulagat a mata, di umim-imbag nga uyek
- Emosional: Bigla a panagbaliw iti ugali ken kababalin, iritable, iresponsable a kababalin, nababa a kompiansa iti bagi, nakapuy a panagdesision, depresion
- Pamilia: Mangrugi iti subang, panagsukir, panagbakwar
- Eskuelaan: Kinaawan interes, naalas nga ugali, panagbaba ti marka, panaglangan, problema iti disiplina
- Pannakilangen: Dagiti kabbaro a gagayyem a saan nga interesado kadagiti aktibidad iti pagtaengan ken eskuelaan, problema iti linteg, agbalin a naidumduma ti panagbadbado ken musikana
Dadduma kadagitoy a pagilasinan mabalin met nga ipakitada ti dadduma problema. No makitam iti anakmo a tin-edyer ti dadduma a sintomas, tawagam ti health care provider-mo tapno masolbar ti dadduma a kita ti sakit.
Bisitaen ti WebMD para iti kanayonan nga impormasion.
