Lumaktaw iti kangrunaan a linaon

Eksamenasion para iti Cervical Cancer

Ti eksamenasion para iti cervical cancer screening ket pagaammo met kas maysa a PAP smear. Rumbeng a regular a mapanka iti obstetrician/gynecologist (Ob/GYN) a doktor. Ti regular a PAP smear nga eksamenasion ket maaramid iti kada tallo a tawen, bayat nga agtawenka manipud 21 agingga iti 64. Kadagitoy nga edad a posible a maaddaanka iti cervical cancer. Gapu kadagiti regular nga eksamenasion, bimmaba ti bilang dagiti addaan iti cervical cancer iti naglabas a 30 a tawen.  Nalaklaka nga agasan ken ibturan dagiti kanser no nasapsapa a maammuam dayta.

Adda dagiti impeksion ken dadduma a banag a mabalin a mangnayon iti posibilidad a maaddaanka iti cancer, kas iti:

  • Panagsigarilio
  • Kinalukmeg
  • Naglabas nga HPV nga impeksion
  • Panagusar iti agpaut a panagkontrol iti sikog
  • Panangimanehar iti hormone
  • Ken adu pay.

No adda miembro ti pamiliam nga addaan idi iti cervical cancer siguraduem a mammuan dayta ti doktormo. 

Dagiti reperensia:

Naudi a Napabaro Idi: 12/4/2020