Adda posibilidad a maaddaan iti kanser iti suso ti amin a babbai. Napateg a maammuan ti maipapan iti peggad ken dagiti posible a mabalinmo nga aramiden. Adu a banag ti mabalin mangapektar iti posibilidadmo a maaddaan iti kanser ti suso. Nagpateg ti papel ti genes-mo. Adda natawidmo a gene iti DNA-mo a mabalin a mangpadakkel iti posibilidad a maaddaanka. Mabalin a maysa laeng a babai iti pamilia ti pagparangan dayta. Saan a maammuan a nasaksakbay no asino ti pagparangan dayta a gene. Nupay kasta, saan a la a ti gene ti makagapu a maaddaan ti maysa iti kanser iti suso. Kinapudnona, adu a nagduduma a banag ti mabalin a makagapu. Ti kankanem, puli, nagnanaedam idi, polusion ti danum wenno angin ken ti ar-aramidem ket mabalin a mangnayon iti posibilidad a maadaanka iti kanser ti suso. Mabalin nga ibaga kenka ti doktormo dagiti peggad. Agpatulongka babaen ti pannakisaritam iti doktormo maipapan iti eksamenasion para iti kanser ti suso.
Eksamenasion Para iti Kanser ti Suso
Makisaritaka iti doktormo maipapan iti eksamenasion para iti kanser ti suso. Masakupan ti plano ti salun-atmo ti eksamenasion para iti kanser ti suso Awan ti bayadam. Ti eksamenasion para iti kanser ti suso ket espesial nga x-ray ti susom. Kitaenna dagiti nabiit pay a timmanor a kanser. Maawagan met daytoy nga X-ray kas mammogram. Saan a lapdan daytoy nga eksamenasion ti kanser ti suso. Ngem mabirokanda dagiti babassit a kanser ket nalaklaka a maagasan. Daytoy ti rason no apay a napateg a makisaritaka iti doktormo maipapan iti eksamenasion para iti kanser ti suso. Rumbeng a mangrugi nga agpaeksamen ti nagduduma a babbai iti nagduduma a tiempo. Agdepende dayta iti medikal a pakasaritaan ti pamilia. Kas pagarigan, no adda kapamilia ti babai nga adda kanser ti susona, baka nasaysayaat no nasapsapa nga agpaeksamen. No awan ti kapamiliam nga adda kanser ti susona, adda latta posibilidadna a makaptanka. Agpaeksamenka latta.
Kasano no Ipakita ti Mammogram nga Adda Problema?
Mabalin a masalbar ti mammogram ti biagmo. Ipakita dagiti mammogram dagiti tumor a posible a kanser sakbay pay a mariknam dagita. Nalaklaka nga umimbag ti kanser no tratuenen dagiti tumor bayat a babassit pay dagitoy.
Ipakita ti mammogram ti uneg ti suso. Maibagana no normal dayta. Ngem saan a maipakita ti mammogram no adda kanser ti susom. Agkasapulan dayta iti kanayonan nga eksamenasion.
Mabalin a saan a normal ti mammogram-mo. No kasta, mabalin nga isingasing ti doktormo ti biopsy. Daytoy ket panagala iti sampol a tisyu iti suso. Ti biopsy ket bassit nga operasion. Maeksamen iti laboratorio ti tisyu ti suso manipud iti biopsy. Maammuan ti doktor manipud iti resulta no dayta ket kanser. Kalpasanna ibaga kenka ti doktormo dagiti sumaruno nga aramidem.
Adda kadi saludsodmo? Kayatmo kadi ti agbirok iti lugar a pangalaan iti mammogram? Tawagam ti numero ti customer service nga adda iti likudan ti kardmo. Maragsakanda a tumulong kenka wenno sumungbat kadagiti saludsodmo.
Nalaklaka nga umimbag ti kanser ti suso no nasapsapa a maammuan dayta.
Dagiti reperensia:
