Panagusar iti Tabako: Ammuem ti Pagdaksanna
Dagiti awan asukna ken masusop a produkto a tabako ket agpada mangpataud iti agpaut a problema iti salun-at. Nasurok a 7000 a kemikal ti rummuar bayat ti panagsigarilio. Pitopulo kadagita ti pagaammo a pakaigapuan ti kanser. Dagiti awan asukna a tabako ket addaan iti saan a nababbaba ngem 30 a kemikal a pakaigapuan ti kanser. Malaksid iti kanser, ti panagusar iti tabako ket mabalin nga agresulta iti:
- Panagbalay ti dara
- Coronary Artery Disease
- Kurang a suplay iti dara
- Saan a tumangar a mabagbagi
- Pannakadadael ti gugot ken ngipen
- Maksayan nga abilidad ti panagraman ken panagangot
- Atake iti puso ken sakit ti puso
- Pannakadadael ti bara
- Sakit a kellaat nga ipapatay ti ubing
Dagiti E-Cigarette ken Vape
Dagitoy a produkto ket kasukat dagiti tradisional a produkto a tabako. Kabbaro pay laeng dagitoy iti merkado. Adu pay ti masapul nga adalen. Saanmi pay nga ammo ti agpaut nga epektona iti salun-at ti panagusar iti E-cigarettes/vaping. Napateg a maammuam dagiti impormasion maipapan kadagitoy produkto. Adda pagdaksanna ti panagusar iti aniaman kadagitoy a produkto. Makadangran dayta iti asinoman nga agusar iti dayta. Ngem, dakdakkel ti posibilidad a madangran dagiti estudiante ti hayskul. Mapan a duapulo a porsiento kadagiti amin a hayskul nga estudiante ita ti agus-usar iti vape. Addaan dagitoy a produkto iti nikotina. Makadadael ti nikotina iti dumakdakkel pay laeng nga utek.
Mabalin a rinugiamon nga usaren dagitoy a produkto tapno maisardengmo ti agsigarilio. Wenno mabalin a direkta a pinadasmo ti E-cigarettes/vaping. Aniaman kadagita, addakami a tumulong tapno maisardengmo ti agsigarilio.Ti Pagrigatan ti Panagsardeng
Maawatanmi ti karigat ti panagsardeng. Mabalin nga agresulta iti withdrawal ti panagsardeng. Ti karigatan a sintomas ti withdrawal ket gagangay nga agpaut iti kumurang a dua a lawas. Ti nikotina ti kangrunaan a makagapu iti withdrawal. Mapan nga 80-90% a tattao a regular nga agsigsigarilio wenno agus-usar iti vape ti adikto iti nikotina.
Kalpasan a maisardengmo, adda dagiti mapasaram a mangriing. Dagitoy ti mangriing iti riknam nga agusar iti tabako wenno vape. Makatulong no ammom dagiti mangriing tapno makontrolmo dagita. Mabalin a mangriing ti nagduduma a rikrikna. Mabalin a mariing ti riknam no surotem ti dadduma a kababalin wenno no kaduam ti dadduma a tattao. Daytoy ket maysa met a sintomas ti withdrawal.Emosional a Mangriing
Mabalin a mariing ti riknam gapu iti emosion. Mabalin a nariknam dagitoy nga emosion bayat ti panagsigariliom wenno panagusarmo iti vape. Ti pagarigan dagitoy nga emosion ramanenna ti:
- Mais-stress
- Madanagan
- Maragsakan
- Maborboring
- Nalpay
- Naragsak
- Naliday
- Napnek
Dagiti Kababalin a Mangriing
Dagiti nagduduma nga aktibidad a gagangay nga ar-aramidem ket mabalin a mangriing iti riknam nga agusar iti tabako wenno vape, kas iti:
- Pannakisarita iti telepono
- Panaginom iti arak
- Panagbuya iti TV
- Panagmaneho
- Panagleppas a mangan
- Panagkape
- Panaginana bayat ti trabaho
- Kalpasan ti panagdenna
- Sakbay a maturog
Mangriing Gapu Kadagiti Kakadua
Mariing ti riknam gapu iti kakaduam no makikaduaka kadagiti tattao nga agus-usar iti tabako wenno vape, kas iti:
- Ipapan iti paginuman
- Ipapan iti party wenno okasion
- Ipapan iti concert
- Pannakakita nga agsigsigarilio ti sabali a tao
- Pannakikadua kadagiti gagayyem nga agsigsigarilio
- Panagragragsak iti dakkel nga okasion
Withdrawal a Mangriing
No nabayag a tiempo nga agus-usarka iti produkto a tabako wenno vape, nairuamen ti bagim nga umawat iti nikotina. Dagiti withdrawal a sintomas ramanenna ti panagragut, kas iti:
- Rikna a mangraman iti tabako (sigarilio, vapor, mangalngal, kdpy.)
- Pannakaangot iti asuk ti sigarilio, vapor wenno mangalngal
- Direkta a panangiggem iti pakete wenno tabako
- Pannakarikna a kasapulan nga adda ar-aramiden ti ima wenno ngiwat
- Pannakarikna a nabannog wenno dadduma a withdrawal a sintomas
Saanka a nga agmaymaysa a manglaban iti dayta. Palubosannakami a tumulong. No kayatmo nga isardeng ti agusar iti tabako. Tumawagka iti 1-866-635-7045.
Kanayonan a Reperensia:
Tapno maammuam no sadino ti pagpatulongam iti lugaryo, tawagam ti American Cancer Society a libre: 1-877-44U-QUIT
