Lumaktaw iti kangrunaan a linaon

Masikogka kadi?

Ti pannakaaywan a maalam bayat a masikogka ket napateg a paset ti nasalun-at a panagsikog. Ti tulbek ket ti pannakaaywan bayat ti panagsikog. 

Makipaset iti Prenatal a Programami. 

Pangngaasim ta tumawagka iti 1-866-635-7045 (TTY 711).

Kiatem ti Provider-mo. 

Mapanka iti provider-mo apaman a maammuam a masikogka. Rumbeng a kitaen dagiti masikog a babbai ti provider nga eksperto iti panagpaanak kas iti OB/GYN, midwife, wenno APRN. Matulongannaka ti provider-mo a mangammo no agpeggadka bayat ti nasapa a panagsikogmo. No nasaksakbay a makita ti provider dagiti problema, mabalin a mapasardeng wenno maksayanna ti kakaro dagita a problema.

Iti damo a panagbisitam, rumbeng a ti provider-mo ket:
  • Damagenna ti maipapan iti dadduma a panagsikogmo wenno sakitmo
  • Damagenna ti maipapan iti salun-at ken sakit ni nanangmo, tatangmo ken apongmo
  • Damagenna no nagpirmaka para iti Women, Infants and Children (WIC)
  • Kitaenna ti lapayag, agong ken karabukobmo
  • Denggenna ti puso, dalem ken tianmo
  • Kitaenna no limteg ti lipaylipaymo
  • Agala iti dara ken eksamenanna dayta
  • Ikkannaka iti aniaman nga agas a kasapulam
  • Mangaramid iti ultrasound tapno mangngegna ti kapartak ti bitek ti puso ti ubing ken ammuenna ti kasasaad ti ubing
  • Isurona no ania dagiti kanem, inumem ken aramidem tapno nasalun-at ti panagsikogmo

Iti tungaal panagbisita, rumbeng a ti provider-mo ket:

  • Alaenna ti timbangmo ken ti presion ti daram
  • Agdawat iti sampol ti isbom
  • Rukodenna ti tianmo tapno makitana ti panagdakkel ti ubing
  • Denggenna ti tianmo tapno maammuanna ti kapartak ti bitek ti puso ti ubing
  • Damagenna no marikriknam nga agkuti ti ubing
  • Damagenna no agparparuarka iti likido
  • Damagenna no ipapauneg ken tomtomarem dagiti bitaminam
  • Damagenna no agpagnapagnaka, agun-unnat, ken agkukkukotka
  • Ibagana dagiti peggad ti panagsigarilio, panaginum iti arak wenno panagusar iti droga ken dadduma a naireseta tapno makatulong
  • Ibagana dagiti panagbalbaliw iti bagim bayat a dumakdakkel ti ubing
  • Damagenna no ania ti marikriknam ken ti pamiliam maipapan iti maipasngay a ubing
  • Ibagam iti doktormo no makariknaka iti leddaang wenno liday
  • Damagenna ti kinatalgedmo iti pagtaengan

Iti panagbisita sakbay unay a mayanak ti ubing, rumbeng a ti provider-mo ket:

  • Ibagana kenka no kasano a maammuan a nakasaganan a maipasngay ti ubing
  • Ibagana kenka no ania ti panagrikna ti maaddaan iti ubing
  • Ibagana kenka ti maipapan iti trabaho ken ti panagbiahe manipud iti pagtaengan
  • Damagenna no ania ti marikriknam ken ti pamiliam maipapan iti maipasngay a ubing

  • Ibagana kenka ti maipapan kadagiti ubbing iti masanguanan ken ti kasayaatan ken mapagtalkan a pamay-an ti panagkontrol ti sikog

Iti damo a panagbisitam kalpasan ti panaganakmo, rumbeng a ti doktormo ket:

  • Alaenna ti timbangmo ken ti presion ti daram
  • Kitaenna ti bagim tapno siguraduenna a makaungar ti bagim kalpasan ti panagpasngaymo
  • Kitaenna ti susom ken damagenna no agpaspasusoka
  • Damagenna no ipapauneg ken tomtomarem dagiti bitaminam
  • Damagenna no agpagnapagnaka, agun-unnat ken agkukkukotka
  • Damagenna no ania mariknam ken ti pamiliam iti ubing
  • Ibagana kenka ti maipapan kadagiti ubbing iti masanguanan ken ti kasayaatan, mapagtalkan, ken nalaka laeng a pamay-an ti panagkontrol ti sikog

Reperensia: Guidelines for Perinatal Care, Fifth Edition, copyright © October 2002 ti American Academy of Pediatrics ken ti The American College of Obstetricians and Gynecologists ken suportado ti paset laeng ti March of Dimes and the Health Plan Employer Data and Information Set (HEDIS) Standards for Access and Availability, copyright© 2007 ti National Committee for Quality Assurance

Bisitaen ti WebMD para iti kanayonan nga impormasion.

Contact Us icon

Kasapulam ti tulong? Addakam ditoy para kenka.

Awagandakami
Naudi a Napabaro Idi: 12/4/2020