Lumaktaw iti kangrunaan a linaon

Salun-at Para Kadagiti Babbai

Eksamenasion

Makita iti eksamenasion dagiti sakit sakbay pay nga agparang dagiti sintomas iti maysa a tao. Dua nga eksamenasion ti makakita kadagiti kanser a mangapektar kadagiti babbai. Dagitoy ti eksamenasion para iti kanser ti suso ken cervical cancer. Makasalbar iti biag dagitoy nga eksamenasion. Makitada dagiti kanser sakbay pay nga agwaras. No nasapsapa a masarakan ti sakit, nalaklaka a maagasan dayta.

Ag-pacheck-up Para iti Cervical Cancer

Ti cervix ket ti makimbaba a paset ti matris. Naikonektar dayta iti puerta. In-inut a tumanor ti kanser iti cervix. Iti adu a babbai, awan ti makita a pagilasinan.

Makatulong dagiti Pap test tapno malilikan ti cervical cancer. Birokenda dagiti selula a mabalin nga agasan sakbay pay nga agbalin a kanser. Mabirokanda pay dagiti pagilasinan ti kanser tapno nasapa a malapdan nga agwaras dayta.

Mabalin a Masalbar ti Mammogram ti Biagmo

Iti kada tawen adu a babbai ti maad-addaan iti kanser ti suso. Mapan a 40,290 ti matmatay iti dayta. Posible a maaddaanka iti kanser ti suso no:

  • Adda kadi kanser ti suso ni nanangmo wenno ti kabsatmo a babai
  • Nagreglaka kadi sakbay nga agedadka iti 12
  • Nagsardengka kadi a nagregla idi nagtawenkan iti 55
  • Awan ti anakmo wenno damo a naganakka idi nasurok 30 ti tawenmo
  • Nagpasarka kadi iti panagagas babaen radiation iti barukongmo

Tulongam ti Pamiliam nga Agpakuttong.

Umad-adu a tattao ti addaan iti problema iti timbang. Makisaritaka iti doktormo no sobra ti timbangmo wenno ti kapamiliam. No ibaga ti doktormo nga agpakuttongka wenno ti anakmo, mabalin a makatulong dagitoy a tip:

Masikogka kadi?

Panangaywan Kabayatan ken Kalpasan Unay ti Panagsikog

Ti pannakaaywan a maalam bayat a masikogka ket napateg a paset ti nasalun-at a panagsikog. Ti tulbek ket ti pannakaaywan bayat ti panagsikog. Makipaset iti prenatal a programami. 

Pangngaasim ta tumawagka iti 1-866-635-7045 (TTY 711).

Contact Us icon

Kasapulam ti tulong? Addakam ditoy para kenka.

Awagandakami
Naudi a Napabaro Idi: 12/4/2020